PanasonicGF6

終於買左新相機, 其實當初無打算換GF6, 除了一早知既WIFI和反MON功能, 後期發現原來佢係出左新鏡~ X鏡, 個SIZE同我用緊既係一樣焦距, 但鏡身就短左成倍, 加埋機身真的輕過我部GF2好多呀! 我部GF2都用左成4年, 每次出去影相我都好燥, 因為個鏡頭蓋和遮光罩很鬆, 成日跌, 超麻煩, 仲有去旅行真的唔想拎重野, 雖然已經比花先生既大機已輕細好多, 無法啦~ 人越大就越呢度痛果到痛, 孭得重野耐我就肩膊痛

當我決定要換機時....我最想要既白色四圍無貨, 出左半年多啫, 有無咁搶手呀! 連專門店都話唔再有貨, 上網睇日本都仲有, 最衰水貨機無保養, 仲要只得日文MENU, 咁麻煩...我開始疊埋心水等新機出先買...

直到前幾日, 花先生忽然話上網有人放緊全新既, 仲要係行貨白色係人地公司抽獎禮物...仲要都唔貴, $4000, 出面黑色都賣緊5千幾! 原本個心諗住買新機架麻...真的有點難決擇呀... 想了一陣..最後都係買左先算, 因為等新機又唔知等到幾時, 仲要新機一出又係超貴