2011關西十週年浪漫の旅(DAY 5 )

25.11.2011
金曜日
晴
行程~ 夢館"和服體驗" > 清水寺 > 二年坂.三年坂 > 八坂神社 > 祇園. 花見小路 > 四条河原町
住~ 東橫INN 五条大宮

一直以來去日本就去得多, 但有一件事一直好想做, 就係可以著住和服閒遊京都賞風景, 今日終止達成心願, 仲要特別嗚謝BLOG友電占&豆豆, 因有你地既資料今天才可順利完成

今天節目又係影過不停, 連續幾日都行程豐富真係好開心呀

夢館最早預約時間係10AM, 所以今日可以瞓多一陣回一回氣先, 未到10點我地已經到, 是貴店今日最早既客人, 好彩已開左門, 因為一陣會好多人, 所以個STAFF就開始講解俾我聽如何去選自己既和服喇, 佢地好好人會教妳如何配搭顏色, 等我唔駛見到咁多色頭都痛埋, 花先生今次無份體驗, 呢度又係女士換衫重地, 所以一早就有另一STAFF帶佢去另一個地方休息等候喇

真係好多選擇
我選既係基本PLAN 2500円

揀好衫, 著好衫就呢到呢度SET頭 1050円, 頭飾另計

完成喇因早幾日影婚照時已著過好鮮艷既紅色, 所以今次我就揀番一件比較樸素既, 下次再有機會黎我一定會揀番我最LIKE既紅, 粉紅, 紫色

四處去影相就梗係要買番張一日乘車劵啦

第一站係清水寺, 搭BUS去, 到站好多人落車, 下車後根本都唔駛睇自己方向睇點行, 因為人流已經話左俾你聽叫你跟住走喇
今日其實都好凍下, 好彩有太陽伯伯在, 著住和服就要影靚相, 好難要著埋件外套, 就算要披住披肩我都唔想, 希望捱得幾耐就幾耐啦

到喇

第一件事就先去我最想到既地主神社, 搵姻緣石影相

呢個位人流好多, 要SET腳架都有點困難, 仲要我地影左好幾張先滿意

離開清水寺我地就向八坂神社方向進發, 沿路經過二年坂, 三年坂, 呢度好多店舖仔, 好多都有KITTY, 搞到我差不多間間店都要入去望吓

好大粒蘿蔔呀可愛

咁靚既KITTY咪咁孤寒唔俾人影相啦

好靚既兔仔畫, 不過又係唔平

早幾年我係呢個化妝品店我都買左少少野, 不過依家都仲未用, 所以今次我唔買喇

又有龍貓踪跡

第一次見到有咁大個貓巴士站牌, 好真實~正呀

八坂神社

時間過得好快, 太陽伯伯咁快就準備收工個人都開始越來越寒

進入祇園.花見小路喇~ 呢條街有好多充滿古意風情酒館, 商店

影唔夠幾張相太陽伯伯就走左, 我凍到流晒鼻水, 體力都透支...所以我決定早點返去夢館還衫先再出黎影相

換番便服之後成個人都鬆晒 跟住我地就食晚餐補充體力

燒魚好好味

食飽之後我地搭番車出去, 原本打算去円山公園, 但去到漆黑一片, 我仲以為會好似櫻花期咁咁熱鬧, 點知完全係兩回事...今早亦打算過返去清水寺賞夜楓, 但一想到要爬返上山真的攞我命, 因今日真係行得很累, 天氣又凍左好多, 已經無能力再爬上去, 所以最後我地係番附近八坂神社影幾張相就走LU

雖然上山無能為力, 但去行街街我就仲有少少能力既, 所以我地跟住就行番去四条河原町行一陣先走喇

***************************

***************************

夢館
http://www.yumeyakata.com/kimono/plan.html